کتاب پر تبصرہ

-

اردو ترجمہ
(((جنٹلمین استغفراللہ)))
مصنف:کرنل(ر) اشفاق حسین۔

کارگل آپریشن پر بے شمار کالم اور کتابیں لکھی گئی مگر زیر نظر کتاب اپنی نوعیت کی ایک خاص کتاب ہے۔۔۔کتاب کیا ہے حقائق کا سرچشمہ ہے جس میں بڑے انکشافات ہوئےاور کئی رازوں سے پردہ اٹھایا گیا ہے۔
کتاب کی سب کے بڑی خوبی یہ ہے کہ یہ ایک فوجی نے لکھی ہے۔ اور فوجی بھی وہ جو بڑا ادیب اور کئی کتابوں کا مصنف ہے۔
مذکورہ کتاب کو کارگل آپریشن پرایک جامع مانع کتاب اس لیے بھی کہا جاسکتا ہے کہ اس میں مشاہدات اور تجربات کی بہتات اور انٹرویو کا ذخیرہ ہے۔
کتاب تین حصوں پر منقسم ہے۔
پہلے حصے میں مصنف نے اختصارا برصغیر کی تاریخ  اور کارگل جنگ سے ماقبل اور مابعد کے حالات قلم بند کیے اور اعداد وشمار کے ذریعے بڑی باریک بینی سے اس المناک واقعے کا جائزہ لیا۔
دوسرے حصے میں ان جانباز جوانوں کا ذکر کیا گیا ہے جو شہادت کے جذبہ سے سرشار وطن عزیز کی عزت و عظمت پر قربان ہونے کو ہر لمحے بیتاب نظر آئے۔ اور جنہوں نے خون کی سرخ قبا پہن کر مملکت خداداد پر آنچ نہیں آنے دی۔
تیسرے حصے میں مصنف نے مارشل لاء اور جنرل ر پرویز مشرف کی کارستانیوں کا تذکرہ کیا ہے۔ کہ کس طرح آپریشن کے

Colone R Ashfaq Hussain
بعد موصوف زبردستی حکومت وقت کا تختہ الٹ کر اقتدار پر قابض ہوا اور ملک کے سیاہ و سفید کا مالک بن بیٹھا۔
مصنف کارگل آپریشن کے حقائق بیان کرتے ہوئے لکھتے ہیں کہ" کارگل آپریشن چار جرنیلوں کی ایسی مہم تھی جسکی منصوبہ بندی ناقص اور اپنی ذات کی قدآوری تھا"
کتاب میں مصنف کارگل جنگ کی ناقص منصوبہ بندی کی وجوہات
General Parvaiz Musharraf
ذکر کرتے ہوئے رقم طراز ہے کہ" جوابی حملے کی صورت میں  اگلی یونٹوں کے پاس دفاعی ساز و سامان کی سخت قلت تھی، پاک فضائیہ کو آخری لمحوں تک آپریشن میں شریک نہیں کیا گیا جبکہ دشمن کے طیارے کھلے آسمان تلے دندناتے پھرتے رہے، یونٹوں کو مخصوص اہداف نہیں دیے گئے،  آپریشن کے حتمے مقاصد کیا ہے بالا ہیڈکوارٹروں کے افسر بھی اس سے لاعلم تھے، سیکرٹری دفاع کو یہ خبر غیرملکی جریدے سے ملی اور وزیراعظم کو اس کی خبر بھارتی ہم منصب نے دی".
مصنف نے نہایت سلیس زبان استعمال کی اور حتی الامکان ثقل سے بچنے کی کوشش کی کہ قاری پڑھنا شروع کرے تو پڑھتا جائے۔۔۔
مختلف مناظر اور واقعات کا اس تسلسل کے ساتھ بیان کیا ہے کہ ربط ٹوٹنے نہ پائے۔
کیپٹن شیر خان، میجر عبدالوہاب، کیپٹن عبدالمالک اور میجر طارق محمود کی شجاعت و بہادری کو بڑے احسن انداز سے بیان کرتے ہوئے انہیں داد تحسین پیش کی اور انکی شہادتوں کو قوم و ملت کیلئے باعث فخر گردانا۔
یہ کتاب بہ یک وقت اردو اور انگریزی میں شائع ہوئی۔

Comments

Post a Comment

Popular posts from this blog

الوداع کلاس میٹرک

-
دن ہفتے، مہینے اور پھر پورا سال بیت گیا۔ مگر کس سرعت اور جلد بازی سے گزرا اندازہ ہی نہیں ہوا۔۔۔۔۔ آج اسکول میں دسویں جماعت کے طلبہ کا آخری دن تھا۔پر یقین نہیں ہوتا کہ اگلے دن جب ہم اسکول جائیں گے تو کلاس میٹرک میں کرسیاں تو ہونگی پر وہ کھلکھلاتے چہرے نہیں ہونگے۔ جن کی آبیاری کا بوجھ ہم کاندھوں پر اٹھائے پھرتے رہیں۔ مجھے آج بھی یاد ہے جب میرا اسکول میں پہلا دن تھا تو دل میں خوف و مایوسی کی ایک کیفیت سرگرداں تھی۔ کیونکہ ہم نے سنا تھا کہ اب اسکولوں میں استاد کو استاد کم اور نوکر زیادہ سمجھا جاتاہے۔ جبکہ میٹرک کے بڑے بچے تو ہنگامہ برپا کر دیتے ہیں۔ مگر آج جب کلاس میٹرک کا آخری دن تھا اسکول میں ۔ تو وہ تمام افواہیں دم توڑ چکی تھی۔۔۔۔ ویسے تو پوری کلاس اچھی اور بھلی تھی۔شرارتی تھی پر بدتمیز نہیں تھی۔مگر ہر پھول کی اپنی مہک اور پھل کا اپنا ذائقہ ہوتا ہے۔ بوقت جدائی کلاس میں جذبات اور احساسات کا عجب عالم تھا۔ ہر طرف آنسوں کا نہ تھمنے والا سلسلہ جاری تھا،  اور کیوں نہ ہوتا کہ بوئے گل، گل سے جدا ہورہی تھی۔۔۔ یہ منظر دیکھ کر اپنا دور یاد آیا۔جب اساتذہ پرنم آنکھوں کے ساتھ ہمارے سروں دست شف...
Read more

مدراس کیفے

-
Image
کتابوں کی طرح کچھ موویز اور ڈاکومنٹریز بھی ایسی ہوتی ہیں جو انسان کے چودہ طبق روشن کردیتی ہیں ایسی ہی ایک کا نام ہے مدراس کیفے جانی ابراہیم کی یہ فلم 2013 میں ریلیز ہوئی اور میں نے اسے 2020 میں دیکھا۔ یہ فلم دیکھ کر ایسا لگا گویا میں کسی اونچی پہاڑی کی چوٹی پر بیٹھا ہوں اور نیچے میدان میں جاری کھیل کو دیکھ رہا ہوں۔فلم دیکھ کر آپ کو اندازہ ہوگا کہ دنیا میں سیاست کا کھیل کس طرح کھیلا جاتاہے۔ چھوٹے سے ملک کے چھوٹے سے علاقے میں بغاوت ک رنے والے چند لوگ کس طرح مسلح ہوکر ریاست سے ٹکر لیتی ہے۔ یہ قوت کہاں سے آتی ہے ، کیونکر آتی ہے اور بظاہر نظر آنے والی چھوٹی سی بغاوت کےپیچھے کتنے خطرناک منصوبے کار فرما ہوتے ہیں۔ خود ایجنسیوں کے لوگ کس طرح اپنی ہی بچھائے ہوئے جال میں کیسے پھنس جاتےہیں۔اور اس کھیل کے بڑے کھلاڑی کیسے انہیں استعمال کرکے پھینک دیتے ہیں اور بسا اوقات ان بڑے مگر مچھوں پر ان کے اپنے بنائے ہوئ ے منصوبے الٹ جاتے ہیں اور نوبت یہاں تک پہنچتی ہے کہ موت کے سوا کوئی چارہ نہ پاکر کسی نیم تاریک شب میں اسٹڈی ٹیبل پر سر رکھ کر اپنی ہی پسٹل سے خودکشی کرکے خودکو اس ڈیپریشن سے آزاد کرنے کی ک...
Read more

کوئٹہ کا سفر

-
Image
27نومبر بروزبدھ علی الصبح چھ افراد پر مشتمل قافلہ ایازالحسن بھائی کی سرپرستی میں کراچی سے کوئٹہ کیلئے روانہ ہوا۔ بلوچستان کے حدودمیں داخل ہوئے وندر کے مقام پر ناشتہ کیا۔جہاں ہلکی ہلکی ٹھنڈمحسوس ہوئی جس سے اس بات کا اندازہ ہوا کہ آگے سخت ترین سردی ہماری منتظرہے۔ وندرسے گاڑی چل پڑی اور وڈھ سے ہوتی ہوئی خضدار کی جانب رواں دواں ہوئی، یہ سنگل روڈہے جس پرآنے جانے دونوں اطراف کی گاڑیاں چلتی ہیں راستے میں خطرناک موڑ آتے ہیں جس سے حادثات کے خطرے اورزیادہ ہوجاتے ہیں۔اس بات کا اندازہ راستے میں کہیں مقامات پر تباہ شدہ گاڑیوں کا مشاہدہ کرکےہوا۔ خضدارروڈبے آب و گیاہ پہاڑوں اور بیابانوں سے ہوکر گزرتا ہے۔ سڑک سےقریب مٹی کے چھوٹے چھوٹے ٹھیلے اوراس کے عقب میں عجیب الخلقت اورڈراونے پہاڑتھے جس پرسبزےکادوردورتک نام ونشاں بھی نہیں ۔ تقریبا دو بجے خضدار میں داخل ہوئے اور شاشان ہوٹل سے متصل مسافروں کیلئے بنی چھوٹی سی مسجدمیں نماز ظہرادا کی۔ خضدار صوبہ بلوچستان کے ضلع خضدارکاایک شہر ہے ۔خضدار کو1974ءمیں الگ ضلع کادرجہ دیاگیااس سے پہلے یہ ضلع قلات کاحصہ تھا۔ شاشان ہوٹل میں چائے نوش فرمائی ،گل بھائی نے اپنے بزنس...
Read more